Myrto Uzuni ka gjetur një tjetër gol me Granadën këtë sezon në La Liga. Sulmuesi i Kombëtares kuqezi ka shkundur rrjetën e Almerias në minutën 75′.
Pas një pasimi brenda zonës, ai gjuan dhe topi përfundon brenda shtyllës së djathtë (VIDEO KETU). Më këtë finalizim, beratasi ka arritur në kuotën e 7 golave njësoj si yjet e Realit dhe Barcelonës, Vinicus dhe Ferran Torres. Deri më tani, Uzuni ka dhuruar një asist.
Granada endet në pozitat e fundit të tabelës dhe kontributi i futbollistit do të jetë mjaft i nevojshëm në misionin për mbijetesën.
Aktualisht skuadra ka grumbulluar vetëm 14 pikë, duke rrezikuar seriozisht rënien nga kategoria. Dueli me Almerian u mbyll me barazimin 1-1, një rivale e drejtpërdrejtë për mbijetesë.
https://youtu.be/D7CDf-mzH7E?si=lSPo-RjOFLLpCKdP&t=98
