Partia Socialiste ka kërkuar masa disiplinore ndaj dy deputeteve demokrate Albana Vokshi dhe Elda Hoti.
Kërkesa e PS vjen pas situatës kaotike të shkaktuar në seancën e djeshme plenare, ku deputetët e opozitës vijuan me aksionin opozitar. Masa pritet të miratohet në mbledhjen e Sekretariatit dhe Etikës së Kuvendit që pritet të mblidhet sot në orën 15:00.
Në seancën e cila nuk zgjati më shumë se 15 minuta u miratua me shpejtësi ligji i basteve dhe projektligjet e rendit të ditës.
Gjatë kësaj seance, PD kishte kërkuar interpelance me kryeministrin Rama, gjë e cila nuk u zhvillua, por gjatë fjalës së Arbi Agalliut, deputetja Elda Hoti i hoqi mikrofonin duke mos e lënë të flasë.
