Alarmi virusit të etheve tropikale aktivizuar në vende në mbarë botën. Edhe në Europë autoritetet janë duke forcuar rregullat. Italia ka shtuar kontrollet kufitare për të parandaluar hyrjen e mushkonjave që mbartin virusin. Në aeroportin e Fiumicinos, nivelet e vigjilencës janë ngritur, duke përfshirë dezinfektimin e avionëve që vijnë nga vendet në rrezik. Shpërthime të shumta infeksioni kanë ndodhur në zona të ndryshme të planetit, nga Brazili në Argjentinë.
Kontrollet përfshijnë automjetet dhe mallrat që vijnë nga vendet ku "rreziku i prekjes nga sëmundja është më i madh”. Ndër masat e parashikuara është monitorimi i kujdesshëm i dezinfektimit të avionëve. Bëhet fjalë për Aedes Aegipty, mushkonja specifike e virusit Zika dhe etheve tropikale. Kjo mushkonjë nuk është e pranishme në Europë, por vendet po tregohen të kujdesshme nëse ajo mbërrin në një ndonjë mënyrë.
Sipas të dhënave më të fundit në Brazil tashmë ka 512 353 raste me ethe. Vetëm këtë vit janë konfirmuar 75 vdekje nga ky virus dhe 350 të tjerë janë duke u verifikuar. Numri i rasteve është katërfishuar në krahasim me të njëjtën periudhë të vitit të kaluar. “Nëse një mushkonjë Ades Aegipty pickon një person asimptomatik, 7 ditë më vonë ajo është ende e aftë të transmetojë sëmundjen”, shpjegon studiuesja italiane Denise Valle.
Pas Brazilit, urgjenca po shtrihet edhe në Argjentinën fqinje, ku deri më tani janë shënuar 39-544 raste dhe 29 të vdekur. Harta e vendeve në rrezik është publikuar nga Qendra Amerikane e Kontrollit dhe Parandalimit të Sëmundjeve, me një listë të gjatë të vendeve në Amerikën e Jugut, Afrikë, Azi dhe Ishujt e Paqësorit. Në Evropë, janë 3 vende që kanë regjistruar raste sporadike nga 1 janari deri më 5 dhjetor 2023. Italia, e para me 82 raste, pasohet nga Franca me 43 dhe Spanja me 3 raste. ©TG Com, LAPSI.al
