Pas një deklarate për mediat të mbajtur nga Gazment Bardhi, i cili deklaroi se tashmë opozita është bashkë, në selinë e Rithemelimit po zhvillohet mbledhje me dyer të mbyllura.
Në mbledhje marrin pjesë deputetë të grupit të Bardhit dhe Sali Berishës.
Në qendër të kësaj tryeze diskutimi është protesta e 20 shkurtit dhe aksioni opozitar.
Qëllimi i mbledhjes është organizimi i protestës, për të cilën opozita i ka rënë daulleve të luftës. Në mbledhje theksi është vënë në nevojën që deputetët të zbresin në bazë dhe të përgatiten për protestën. Detaje të tjera priten në vijim.
