Është arrestuar për llogari të autoriteteve gjermane, një 26-vjeçar shqiptar në Itali.
Mediat italiane raportojnë se i riu shqiptar ishte shpallur në kërkim për mashtrim me kriptovaluta në vlerë rreth 1.3 milionë euro.
Mësohet se 26-vjeçari ishte larguar nga Tirana disa muaj më parë për t’u fshehur në Crocetta del Montello, pasi në vendlindje kishte punuar në një kompani e cila mashtronte shtetas gjermanë.
Në Itali i riu kishte krijuar lidhje me një vajzë, si dhe kishte gjetur edhe punë.
Shqiptari mësohet se aktualisht ndodhet i mbyllur në burgun Santa Bona, në pritje të ekstradimi, ndërsa thuhet se dënimi i tij në Gjermani, mund t’i kushtojë 26-vjeçarit deri në 15 vjet burg.
