Policia e Valencias në Spanjë, në kuadër të operacionit “BOAN”, ka arrestuar gjashtë persona të dyshuar për trafik droge, pastrim parash, mashtrim me energjinë elektrike dhe anëtarësim në organizatë kriminale. Hetimi filloi kur policia zbuloi një konteiner mbeturinash me 36 kg marijuanë me lule.
Gjatë hetimit, u konstatua se organizata kishte një hierarki të fortë, me drejtuesin e saj që bënte udhëtime mujore në Londër, ku kishte vendosur vendbanimin e tij. Si rezultat i procedimit, janë kryer pesë kontrolle, dy banesa, dy magazina industriale dhe një Groë Shop. Në total u gjetën 125 kg marijuanë, një pistoletë, 4000 euro cash dhe të gjitha furnizimet e nevojshme për kultivimin dhe prodhimin e marijuanës.
Operacioni rezultoi në arrestimin e 5 burrave dhe një gruaje, nga 41 deri në 55 vjeç, të kombësisë shqiptare dhe kolumbiane.
