Ish-ministri i Mbrojtjes, Fatmir Mediu ka dëshmuar ditën e sotme në GJKKO lidhur me dosjen “Gërdeci”. Ai komentoi edhe thirrjen për të dëshmua të djalit të ish-kryeministrit Sali Berisha, Shkëlzen Berisha.
"Ai (Shkëlzen Berisha) nuk ka asnjë lidhje në këtë proces. Në qoftë se do kishte, kishte mënyrë tjetër procedimi. Është e domosdoshme të thirren dëshmitarët. Edhe ata që nuk ndodhen brenda vendit ka mënyra për të dëshmuar. Bëj thirrje në emër të të vërtetës që gjithsecili të flasë dhe të tregojë të vërtetën siç është. Duhet të rithirren personalitetet ushtarake. Duhet të thirren edhe ministrat që kam kërkuar të thirren. Përndryshe do të ecim me konceptin e vjetër që ushtria është partia”, tha Mediu.
