Pas 55 muajsh gërmime, është parë drita në fund të tunelit të Murrizit, një nga veprat më të rëndësishme të Rrugës së Arbrit.
Tuneli i Murrizit është i gjatë 3.7 kilometra ka nisur të hapet në maj të 2019-ës por pasur ecuri të avashtë për shkak të gjeologjisë së vështirë.
Për të inspektuar përfundimin e gërmimeve ishte kryeministri Edi Rama, i cili vlerësoi cilësinë e punimeve, teksa theksoi se nuk priste që tuneli do të hapej brenda këtij vit, por ende nuk jepet një datë fikse. Ndërkohë tuneli pritet të hapet për qarkullimin e makinave vitin e ardhshëm.
Megjithatë edhe pse pa përfunduar, Edi Rama e ka inauguar Rrugën e Arbrit përpara.
Në Qershor të vitit 2018, nisën zyrtarisht punimet për ndërtimin e saj.
Edhe pse miliarda lekë u hodhën për ndërtimin e kësaj rruge, afatet e saj u shtynë dhjetëra herë deri në momentin që në Nëntor 2021, Rama e inaguroi.
Por edhe ky inagurim nuk ishte i plotë, pasi investimi më i rëndësishëm në tunelin e Murrizit vazhdon të mos jetë funksional edhe një vit e gjysmë pas skadimit të afatit fillestar.
Sot u bë i mundur bashkimi i dy anëve të tunelit kryesor të Murrizit në Rrugën e Arbrit.
Vlen të thuhet se edhe në rrugën e Arbrit shumë segmente që konsiderohen të përfunduara, cilësia e punimeve dhe siguria rrugore janë jashtë çdo standardi, siç është deklaruar edhe nga ekspertë të ndryshëm të fushës.
Edhe pse rruga është inaguruar zyrtarisht, punimet e saj vazhdojnë ende. Data e vënies në dispozicion të tunelit kryesor të rrugës për qytetarët ende nuk bëhet me dije. ©Lapsi.al
