Vendimi mbi kërkesën e SPAK për të mbyllur në arrest shtëpie, ish-kryeministrin Sali Berisha do të merret paraditen e së mërkurës. Këtë të martë avokatët e Berishës kërkuan përjashtimin nga procesi të gjyqtares, Irena Gjoka.
Avokatët dorëzuan prova që sipas tyre, provojnë konfliktin e interesit pasi në ajo është shkarkimuar në shkurt të 1996-ës nga KLD ku kryetar ishte Presidenti i asaj kohe, Sali Berisha. Kërkesa e avokatëve të Berishës për përjashtimin e gjyqtares Irena Gjoka do të shqyrtohet nga gjyqtarja Rudina Palloj. Ajo është përcaktuar nëpërmjet shortit për të marrë përsipër këtë rast.
Seanca gjyqësore do të fillojë të mërkurën në orën 11:00. SPAK kërkon që masa ndaj Berishës të ashpërsohet pasi nuk zbatoi masën e parë të detyrimit për t’u paraqitur. SPAK ka kërkuar që Berisha të qëndrojë në arrest në shtëpi nën mbikëqyrje policore. ©LAPSi.al
[caption id="" align="alignnone" width="1156"]
Gjyqtarja Rudina Palloj[/caption]
