Avokatët e Lizzo-s kanë paraqitur një kërkesë për të rrëzuar një padi për ngacmim dhe diskriminim të bërë nga një ish- stiliste e këngëtares.
Të premten, ekipi ligjor i këngëtares 35-vjeçare "Juice" kërkoi të rrëzonte padinë e ngritur nga Asha Daniels në shtator në një gjykatë në Los Anxhelos dhe pretendoi se ishte "e pamerituar dhe e pakëndshme".
Në dokumentet e marra nga PEOPLE, avokati i Lizzo-s pretendoi se Daniels, , "dështoi të kryente punën që i ishte caktuar dhe përfundimisht, thjesht refuzoi të paraqitej në punë". Më pas, ajo u pushua pasi "braktisi postin e saj" në ditën e koncertit të Lizzo në Paris, Francë.
Avokatët e artistes duan që çështja të hidhet poshtë, duke përmendur dy arsye: ajo është paraqitur në vendin e gabuar dhe Daniels "është një banore e New Yorkut që ka punuar për një korporatë Delaware në Evropë".
Asha, e cila bëri turne me Lizzo-n në fillim të këtij viti, ngriti padinë e saj kundër këngëtares dhe anëtarëve të ekipit të saj, duke pretenduar se ndërsa Lizzo predikonte pozitivitetin , punonjësit e saj u detyruan të punonin në një mjedis "racist dhe të seksualizuar".
Padia u ngrit kundër saj, kompanisë së prodhimit, menaxheres së saj të gardërobës Amanda Nomura dhe menaxheres së saj të turneut Carlina Gugliotta, duke pretenduar, ndër të tjera, se ata bënë komente raciste dhe i mohuan kujdesin mjekësor, duke çuar në ankth dhe PTSD/Lapsi.al
