Sekretariati i Etikës ka vendosur përjashtimin e 3 deputetëve të Partisë Demokratike nga Kuvendi. Mësohet se deputetët Saimir Korreshi, Edmond Spaho dhe Kastriot Piroli janë përjashtuar me 10 ditë. Përjashtimi i tyre është bërë me kërkesë të PS, duke theksuar se 3 deputetët krijuan kaos në Kuvend e ndezën tymuese, duke mos lejuar zhvillimin normal të seancës plenare një ditë më parë.
Seanca zgjati vetëm 8 minuta, ndërsa 13 deputetët e përjashtuar për më shumë se një orë e gjysmë, në përpjekje për tu futur në sallë, u përplasën fizikisht me gardën. Përplasje dhe tensione pati edhe mes deputetëve të Partisë Demokratike dhe atyre të Partisë Socialiste para nisjes së seancës.
