Një ngjarje e rëndë ka ndodhur sot në Tiranë, ku një efektiv policie, rreth të 50-ave, dyshohet se ka qëlluar veten me armën e shërbimit.
Gazetari Igli Çelmeta bën me dije se aktualisht ai ndodhet nën kujdesin e mjekëve dhe po merr trajtim.
Dyshohet se shkak për këtë akt është bërë gjendja e rënduar psikologjike, ndërsa mësohet se pak kohë më parë ai ishte divorcuar nga bashkëshortja si dhe kishte edhe disa probleme të tjera që lidhen me paratë.
Detaje nga policia:
Më datë 14.12.2023, në rrugën “Babë Rexha”, shtetasi F. K., 50 vjeç, (punonjës Policie), në banesën e tij, dyshohet se është vetëplagosur me armën e shërbimit.
50-vjeçari ndodhet në Spitalin e Traumës ku po merr ndihmën mjekësore.
Grupi hetimor në bashkëpunim me Prokurorinë po punon për sqarimin e rrethanave të ngjarjes.
