Kërcënimet e Athinës zyrtare se do të pengojë rrugën e Shqipërisë drejt Bashkimit Europian për shkak të çështjes Beleri, i është përgjigjur edhe zëdhënësi i bllokut, Peter Stano.
Në një intervistë në mediat greke, Stano e këshilloi fillimisht Greqinë të shmangë acarimin e marrëdhënieve mes palëve, duke përcjellë mesazhin e qartë se në këtë çështje zbatohet sundimi i ligjit.
“Ne nuk hyjmë në mosmarrëveshje dypalëshe pasi kemi besim tek aftësia e aktorëve. Në këtë rast zbatohet sundimi i ligjit. Ligji duhet të respektohet dhe nëse ka dyshime, shtetet anëtare të BE-së dhe gjithashtu shtete si Shqipëria i zotërojnë instrumentet dhe mjetet për t’i dhënë zgjidhje problemeve të tilla”, tha ndër të tjera Peter Stano.
