Lulzim Basha mblodhi në Pallatin e Kongreseve njerëzit e tij për të festuar 33 vjetorin e themelimit të Partisë Demokratike. Ndërkohë Sali Berisha me të vetët ishte te Hotel Tirana po në të njëjtën orë.
Basha ishte optimist gjatë fjalës së tij ndonëse PD është e përcarë e në ditët e saj më të zeza qysh prej kur u themeluar. Për të treguar masivitet e mbështetje në ekran, Basha kishte zgjedhur ta vendoste foltoren në një prej plateve të Pallatit të Kongreseve, fare pranë njerëzve që ishin ulur në sallë.
"Do ta bëjmë, ashtu sikurse kemi filluar, me sinqeritet dhe modesti me njerezit, duke i afruar ata qe kanë përzemër fatet e shqiptarëve dhe Shqipërisë. Duke folur përditë me njerëzit, duke i takuar ata nga afër dhe duke biseduar sy më sy, më këdo që është zhgënjyer nga sistemi politik 33 vjecar. Duke e forcuar bashkëpunimin tone të ngushtë me aleatët tanëndërkombëtarë dhe partnerët tane strategjike, të cilët kanë dhënë një kontribut të paçmueshëm në këto 33 vite tranzicion për demokracinë dhe shtetin shqiptar, dhe të cilët i falenderoj nga kjo sallë në emër të të gjithë anëtarëve të Partisë Demokratike", tha Basha gjatë fjalës së tij.
©LAPSI.al
