Një lodër e një djali 3-vjeçar që humbi në një tren dhe që përshkroi një udhëtim vajtje-ardhje 600 milje, i është kthyer sërish atij. Një histori në dukje banale, por që BBC i ka kushtuar një shkrim të veçantë. Britanikja Kayna Tay dhe djali i saj po ktheheshin në Bristol pasi vizituan familjen në Rutland.
Atyre iu kërkua të lëviznin bagazhet dhe majmuni lodër të cilin djali e kishte që kur kishte lindur, mbeti në tren. Kompania “Network Rail” tha se majmuni u gjet nga stafi në Edinburg dhe 4 kompani të ndryshme u angazhuan në kthimin e lodrës për tek fëmija që e kishte pasur. 43-vjeçarja Tay tha se vetëm kur kishte zbritur në stacion kishte vënë re se lodra mungonte.
Asistentët e shërbimit ndaj klientit Leon Allen dhe Vinny Murphy vendosën të angazhohen dhe të gjurmojnë se ku kishte përfunduar lodra e çmuar për fëmijën, por që trashmë ishte nisur drejt Newcastle. Vetëm kur treni ndaloi në Edinburg të Skocisë, 384 milje larg nga shtëpia e tij majmuni u gjet dhe u dërgua tek pronari që e kishte humbur. Kayna Tay thotë se nuk mund të falënderojë mjaftueshëm stafin që solli majmunin në shtëpi.
Asistentët Vinny dhe Leon u angazhuan që lodra të kthehej nga Skocia në Birmingham. Tay ishte e kënaqur që të nesërmen mori pelushin. Kompania Network Rail tha se majmuni kishte bërë 619 milje duke shtuar me shaka se “ishte një udhëtim që Paddington do të ishte krenar”. ©LAPSI.al
