Në një kohë kur opozita ka paralajmëruar grevë urie, kryeministri Edi Rama thotë se kërkesat e opozitës nuk duhet të tejkalojnë kushtetutën.
Nga Dibra, Rama u shpreh se nuk kanë kohë të merren me opozitën, madje u shpreh se “nuk ka shans që të kalohen të drejtat kushtetuese edhe sikur ata të kapërcejnë 7 penxhere”.
Teksa komentoi tensionet parlamentare, Rama tha se këto janë ditë të shëmtuara për politikën.
“Opozita ka të drejtë kushtetuese që të bëjë hetime parlamentare, por është e qartë që hetimet parlamentare të opozitës nuk duhet të prekin kushtetutën, nuk duhet ta tejkalojnë kushtetutën.
Për këtë Gjykata Kushtetuese ka vendosur një kornizë të qartë, çfarë mund të behët dhe çfarë nuk mund të behët me këtë të drejtë.
Ato që nuk bëhen me këtë të drejtë, jo nëpër penxhere, por sikur të arrijnë deri në tarracë dhe të kapërcejnë 7 penxheret nuk ka shans që t’i bëjnë me miratimin tonë. Ne nuk humbasim kohë për këtë vend për të harxhuar kohën dhe për të gjetur mundësi për ata të cilët qysh prej vitit 2013 kanë bërë të njëjtën gjë.
Në 2013 fituam ne, nuk kaluan 2-3 muaj filluan avazin ‘nuk njohim zgjedhjet’. Në 2015 fituam përsëri, përsëri i njëjti avaz. Në 2017 u futën në çadër, por në fakt u futën për të mos votuar reformën në drejtësi.
Në 2019 ikën fare, u zhdukën, morën malin dhe gjithë Shqipëri menduan se do i thoshin aman kthehuni. Asnjëri nuk shkoi në majë të malit, u kthyen vetë. Në 2021 e njëjta gjë”, tha Rama.
Shikoni këtë material të përgatitur nga gazetari Arbër Kaceli mbi komisionet e ndaluara parlamentare:
Për të parë më shumë VIDEO si kjo ndiqni faqen Lapsi Videos në Facebook
