Në episodin e fundit të emisionit humoristik “Fratelli di Crozza”, i transmetuar çdo të premte në “prime time” në televizionin “Nove” dhe i disponueshëm për transmetim në Discovery+, aktori italian Maurizio Crozza u përpoq të identifikonte me ironi momentin në të cilin u arrit marrëveshja mes kryeministres italiane Giorgia Meloni dhe homologut të saj shqiptar Edi Rama, për hapjen e dy qendrave për pritjen e emigrantëve në territorin shqiptar.
"Marrëveshja lindi këtë verë në Shqipëri, buzë detit. Aty lindi “shkëndija” mes të dyve - thotë humoristi italian duke shtuar: “ishte mes një spritz dhe një kikiriku që vendosi gjithçka. Ja ky aperitiv ka kushtuar 116 milionë euro pa përfshirë pijet”. ©LAPSI.al
