Kryeministri Edi Rama thotë se do të jetë në Prishtinë për të treguar mbështetjen e tij nga marrëveshjes Kosovë-Serbi me ndërmjetësimin e BE.
Përmes një reagimi Rama thotë se projektstatuti i Asociacionit është i BE-së, ndryshe nga cfarë u trumbetua me të madhe një ditë më parë në mediat pranë tij. Ja cfarë shkruan Rama.
Nuk mund të jem dot më krenar se kaq për kontributin e fortë dhe konkret të Shqipërisë në vazhdimësinë e procesit të vështirë të normalizimit të marrëdhënieve midis Kosovës??& ??Serbisë. Megjithatë, projektstatuti i AKShM-së, që Kosova dhe Serbia kanë pranuar si dokument të përshtatshëm pune, është draft i BE-së.
??Shqipëria mbështet fuqimisht Kosovën për zbatimin e Marrëveshjes Bazë dhe do të vazhdojë të luajë rolin e saj për të nxitur paqen, stabilitetin dhe bashkëpunimin rajonal midis të gjitha vendeve të rajonit tonë. Së shpejti, do të jem në Prishtinë për të treguar personalisht mbështetjen time.
