Gjykata e Tiranës ka shtyrë sërish kërkesën e Partisë Demokratike zyrtare për regjistrimin e ndryshimeve të statutit të bëra në Kuvendin e 2 shtatorit. Seanca është caktuar për në datën 3 nëntor, ditën e premte.
Kjo është hera e tretë që gjykata shtyn kërkesën e kreut të PD Lulzim Basha, që do të certifikonte të gjitha ndryshimet e bëra pas rizgjedhjes së tij në krye të PD. Avokatët e palës së Gazment Bardhit kërkojnë nga gjykata që procesi të shtyhet deri në dhënien e një vendimi nga Gjykata e Lartë.
Sipas tyre, duke qenë se në lidhje me statutin e PD ka aktualisht një çështje në Gjykatën e Lartë, proceset në gjykata më të ulëta do të bëhen nul pas dhënies së vendimit final. Në këtë proces si palë është njohur dhe grupi i Rithemelimit, të ish-kryeministrit Sali Berisha.
