Avokatët e zgjedhur nga Sali Berisha janë tërhequr nga procesi gjyqësor, me pretendimin se është shkelur Kushtetuta me shmangien e parlamentit për masën e sigurisë "detyrim paraqitje" dhe sekuestrimin e pasaportës. Trupi gjykues i ka zëvëndësuar dje me avokatin Artan Simoni që u zëvëndësua sot me Valentina Teodoreskun.
Por ndërsa Simoni u largua pas një statusi ku kërkonte "zbutjen e bishës", doli se Valentina Teodoresku është akoma më e "etur" për burgosjen e klientit të saj.
Në profilin e saj në Facebook, ajo ka shfaqur hapur admirimin jo vetëm për Edi Ramën, por edhe për Enver Hoxhën. Siç mund të shihet nga fotot më poshtë në profilin e avokates së Berishës dallohet qartë nostalgjia për diktaturën e partisë së Punës dhe jepet mbështetja pa kushte për Edi Ramën.
