Dosja voluminoze me gati 200 faqe që ka vënë nën hetim Sali Berishën dhe ka burgosur dhëndrin e tij ka brenda saj disa të dhëna interesante.
Pyetja e parë që të lind pasi e ke lexuar atë është? Si ka mundësi që një njeri i afërt i familjes së kryeministrit, që në fakt është vetëm njëri nga 64 pronarët e atij trualli, të ketë dalë nga kjo histori me gati 5 milionë e gjysëm euro të fituara?
Një pikpyetje tjetër do të mund të qe: a janë të dyshimta urdhrat e kryeministrit për të ushtruar kontrolle mbi gjeneralin që nuk firmoste kalimin e pronës, a duhet hetuar pushimi i tij nga puna, që i hapi menjëherë rrugën kthimit të klubit partizani tek pronarët dhe shndërrimit të tij në truall ndërtimi për 17 pallate.
Natyrisht dyshime të tilla të cojnë në përfundimin se një histori e tillë duhet hetuar patjetër nga një drejtësi e ndershme dhe e pavarur.
