Ndërsa pritet që dhëndri i ish-kryeministrit, Jamarbër Malltezi të njihet me masën e rivlerësuar të sigurisë, në banesën e Sali Berishës janë paraqitur përfaqësues të Policisë Gjyqësore.
Tre oficerë të Policisë Gjyqësore kanë hyrë në pallatin e ish-kryeministrit Sali Berisha dhe kanë qëndruar aty për pak minuta. Mbetet për t'u sqaruar arsyeja e paraqitjes së tyre në banesën e Berishës, ndërkohë që pronat e dhëndrit të tij janë sekuestruar tashmë me urdhër të SPAK.
Në njoftimin e prokurorisë është njoftuar se Berisha ka konsumuar veprat penale të “Korrupsionit pasiv të funksionarëve të lartë shtetërore ose të zgjedhurve vendorë”, në bashkëpunim me dhëndrin e tij Jamarbër Malltezi.
Sipas SPAK, Sali Berisha i cili në atë kohë mbante postin e kryeministrit, ka ushtruar presion ndaj administratës për përfundimin sa më parë të procedurave të privatizimit nga i cili dhëndri i tij ka përfituar rreth 5.4 milionë euro
