Ministrat e Jashtëm të Ballkanit Perëndimor, si edhe përfaqësuesit e Bashkimit Europian u mblodhën sot në Tiranë në kuadër të Ministerialit të ministrave të Jashtëm për Procesin e Berlinit.
Ministrat u mblodhën për një foto familjare, siç tashmë është kthyer në një traditë në çdo samit. Por, ministri i jashtëm serb Ivica Daçiç zgjodhi që të bojkotojë foton familjare, sepse pas tyre ishin flamujt, ku përfshihej dhe ai i Kosovës.
Por ky veprim nuk ishte i vetmi. Ai nuk pranoi të qëndronte as në drekën zyrtare, shtruar për nder të pjesëmarrësve.
Raportohet se ministrja e Jashtme e Kosovës Donika Gërvalla dhe ai i Serbisë Ivica Daçiç kanë qëndruar larg njëri tjetrit, për të shmangur kështu ndonjë konflikt të mundshëm verbal, pas ngjarjeve të fundit në veri.
