Një i ri shqiptar tentoi t’i shpëtojë policisë britanike duke kapërcyer mbi një çati i veshur me shapka pasi forcat e rendit mësynë banesën e cila ishte kthyer në një shtëpi të kultivimit të kanabisit.
19-vjeçari doli nga dritarja e katit të parë për të shmangur policinë e West Mercia, e cila po vepronte pas një informate të marrë.
Edhe pse me shapka ai u hodh mbi një hendek për të shmangur arrestimin, por u ndalua menjëherë në një kopsht aty pranë. Oficerët e policisë gjetën 60 bimë të mëdha brenda banesës në Cofton Hackett, Worcestershire, të cilat vlerësohen të kenë një vlerë rreth 50 mijë £.
Sipas “Daily Mail” u rikuperuan edhe 198 bimë të tjera më të vogla, të cilat mund të kishin vlerën 1000 £ secila më vonë.
Oficerët sekuestruan bimë kanabisi si dhe pajisje kultivimi dhe një sistem elektrik të sofistikuar. Bastisja ndodhi pasi fqinjët ngritën shqetësime për drogën dhe aktivitetin e dyshimtë në zonë. 19-vjeçari shqiptar u arrestua si i dyshuar për kultivimin e kanabisit. ©LAPSI.al
