Më datë 26 maj, kryebashkiaku i Tiranës, Erion Veliaj vizitoi kantierin e gjimnazit Partizani. Gjatë inspektimit të punimeve, Veliaj premtoi ceremoninë e diplomimit aty. Këtë premtim e mbajti. Por Veliaj bëri thirrje që prindërit të regjistrojnë fëmijët në gjimnazin Partizani. Më datë 20 shtator, 10 ditë pasi ka nisur viti i ri shkollor, Partizani nuk është hapur akoma.
Fasada është mbaruar, por punimet vazhdojnë ende. Një punëtor duket në tarracën e shkollës. Ndërkohë, Erion Veliaj në ceremoninë e diplomimit foli për një shkollë të mbaruar. Por shkolla nuk ka mbaruar ende.
Në kantier nuk ka një tabelë që zbulon datën fikse të mbarimit të punimeve. Gjimnazistët e Partizanit vazhdojnë ta bëjnë mësimin tek “Shkolla e Kuqe”. ©LAPSI.AL
