Një ngjarje mjaft e rëndë u mësua mëngjesin e kësaj të diele. Një 40-vjeçare nga Tirana u arrestua nga policia si e dyshuar për vrajen e motrës së saj që pas pak ditësh do të mbushte 37 vjeç. Viktima është Amanda Pushani.
Ajo u qëllua me thikë nga Marsela Pushani. Kjo e fundit me profesion mësuese ka deklaruar në polici se viktima kishte më shumë se 10 vjet e alkoolizuar dhe shpesh debatonin për këtë arsye. Sipas saj edhe natën e së dielës ajo u kthye e dehur në banesë dhe kishte marrë thikën duke e kërcënuar se do ta vriste atë dhe nënën e tyre. 40-vjeçarja është shprehur se ka vepruar në kushtet e vetëmbrojtjes.
“Reagova në kushtet e vetëmbrojtjes. Ajo na kërcënoi se do të na vriste. Prej më shumë se 10 vitesh motra Amanda Pushani ishte e alkoolizuar dhe shumë problematike. Bëmë mjaft debate që të linte alkoolin. Amanda më kërcënoi mua dhe mamanë" – janë disa nga fjalët që ajo ka thënë përpara hetuesve.
Marsela Pushani u vu në pranga disa orë pas ngjarjes. Fillimisht ato tentuan ta fshihnin ngjarjen duke u shprehur se vdekja kishte qenë natyrale. Ishin hetimet e policisë dhe kryerja e autopsisë që çuan më tej në zbardhjen e saj. ©LAPSI.al
