Dy aksidente ndodhën në më pak se 35 minuta në Librazhd. Policia njoftoi se fillimisht dy automjete janë përplasur në Dragostujë në aksin rrugor Librazhd - Përrenjas. Si pasojë e aksidentit kanë mbetur të plagosur dy persona, të cilët janë dërguar në spital.
Më pas një tjetër aksident tjetër ndodhi në fshatin Kotodesh, ku si pasojë ka mbetur i plagosur shoferi i një motori. Policia ndodhet në vendngjarje dhe po punon për të zbardhur rrethanat e aksidentit.
“Rreth orës 19:40, në aksin rrugor “Librazhd - Qafë Thanë", në fshatin Dragostunjë, automjeti që drejtohej nga shtetasi L. G., 30 vjeç, është përplasur me automjetin që drejtohej nga shtetasi G. C., 18 vjeç. Nga përplasja, janë dëmtuar 2 drejtuesit e automjeteve, të cilët janë në kujdesin e mjekëve.
Rreth orës 20:15, në fshatin Kotodesh, Librazhd, motomjeti që drejtohet nga shtetasi I. B., 54 vjeç, është përplasur me një kafshë pune. Si pasojë, është dëmtuar 54-vjeçari, i cili është në kujdesin e mjekëve. Grupe hetimore vijojnë punën për sqarimin e rrethanave të këtyre aksidenteve” – thuhet në njoftimin e policisë për këto aksidente. ©LAPSI.al
