Në konfliktin e fundit në vathën e qeverisë, për kullën në qendër të Tiranës, nervat e kanë lëshuar edhe Erion Veliajn. Nën trysni nga dokumentat që po i jep opozitës nga ekzili Arben Ahmetaj dhe debatit për betonizimin e kryeqytetit ai ka reaguar ndaj një editoriali në Lapsi.al të Armand Shkullakut. Shkullaku në analizën e tij hidhte hipotezën se nje klan tjetër brenda mazhorancës donte të njolloste Ramën duke hiperbolizuar faktin se ai i ka dhënë leje ndërtimi Shkëlzen Berishës.
Kulla e re/ Kush po i luan fijet në sulmin kundër Ramës
Vetëm pak minuta pas botimit në Lapsi.al, Veliaj reagoi në Twitter: "Për të ndihmuar edhe ata të paktët që s’e kanë kuptuar se ku është katandisur truri i kalbur i opozitarizmit në këtë vend, u sugjeroj të mbyllin hundët dhe lexojnë artikullin e mëposhtëm! Nuk thonë kot tironsit menia gjo e modhe dhe mirë e kishte Edi Rama sot, vesi këtij soji të ulët do i dalë veç me shpirtin".
©Lapsi.al
