Këtë fundjavë në pikën e kalimit kufitar të Qafë Thanës janë krijuar radhë të gjata automjetesh.
Mësohet se vonesat e qyterëve dhe radhët janë regjistruar vetëm në doganën maqedonase aty ku dhe kryhet kontrolli i mjeteve të identifikimit për të hyrë në shtetin fqinj.
Në fakt edhe pse prej ditës së enjte ka filluar aplikimi i ‘one stop shop’ në doganën që lidh Shqipërinë me Maqedoninë e Veriut’ në këtë pikë duket se radhët do të jenë prezente sidomos gjatë fundjavave kur dhe numri i hyrje-daljeve është më i madh.
Momentalisht në hyrje të Maqedonisë së Veriut po punohet me 3 sportele, ndërsa shkak i fluksit të shtuar sipas autoriteteve është bërë edhe kthimi i shtetasve maqedonas nga bregdetet shqiptare në drejtim të vendit të tyre.
