Dy vatra zjarri janë ndezur edhe në qarkun e Gjirokastrës. Një ndodhet në fshatin Dukaj, në Tepelenë, dhe flakët e tjera janë përhapur në fshatin Buz, në Memaliaj.
Gazetarja Brikena Metaj bën me dije se zjarri po përhapet me shpejtësi për shkak të erës.
Sakaq, efektivet e zjarrfikëses Tepelenë dhe Memaliaj ndodhen në vendngjarje, ndërkohë që u është bashkuar edhe ekipi i zjarrfikësve të Gjirokastrës. Vatrat e zjarrit kanë nisur që prej orës 14:00, por për fat të mirë deri tani nuk kemi rrezikim të banesave.
