Një shtetas shqiptar ka vdekur dhe dy të tjerë janë plagosur në Itali mbrëmjen e së diele si pasojë e një sherri.
Ngjarja ka ndodhur në qytetin e Padovas, ku sipas medieve italiane tre shqiptarët u përfshinë në një sherr mes tyre ku më pas ka degjeneruar në përdorimin e thikave. Si pasojë, njëri prej shqiptarëve, 24-vjeçari Albert Deda ka ndërruar jetë në vend ndërsa dy të tjerët janë dërguar në spital.
Ndërkohë autoritetet italiane kanë bërë me dije se autorë të ngjarjes kanë qenë gjithashtu dy vëllezër shqiptarë. Ata janë ndaluar orët e vona të së dieles nga policia e Padovës momente para se të kalonin kufirin. Dy shqiptarët janë dërguar në burgun e Gorizias dhe po presin dënimin e tyre nga gjykata. Sipas policisë italiane, sherri nisi si pasoje e një “larje hesapesh” mes bashkëatdhetarëve.
