Një aksident ka ndodhur në Devoll, ku i plagosur rëndë ka mbetur një 38-vjeçar.
Policia bën me dije se ky i fundit duke drejtuar motorin, ka humbur kontrollin dhe është aksidentuar.
Si pasojë e plagëve të marra, ai është nisur drejt Traumës në Tiranë.
“DVP Korçë-Specialistët e Trafikut Urban dhe Interurban të DVP Korçë referuan materialet në Prokurori ku filloi procedimi penal në gjendje të lirë për shtetasin M. Zh., 38 vjeç, banues në fshatin Tren, Devoll, pasi duke drejtuar motomjetin, dyshohet se ka humbur kontrollin dhe motomjeti ka dalë nga rruga. Ky shtetas u transportua në Spitalin e Traumës Tiranë, për mjekim të specializuar”, njofton policia.
