Policia e Kosovës ka nisur të reduktojë trupat e saj në objektet komunale në veri të vendit, pas pranimit të vendimit të qeverisë.
Reduktimi i forcave policore ka ndodhur para mesnatës së mbrëmshme, ndërsa KosovaPress mëson se këto lëvizje janë zhvilluar paralelisht nga komunat Leposaviq, Zveçan dhe Zubin Potok.
Zëvendësdrejtori i policisë për rajonin e veriut, Veton Elshani, ka bërë të ditur për se ka filluar të implementohet vendimi i qeverisë së Kosovës për tërheqjen e njësisë speciale nga veriu.
“Po, ka filluar reduktimi i njësive policore nga komunat ku kemi qenë prezentë. Gjatë ditës së sotme pritet të përfundojë operacioni”, ka thënë për KosovaPress nënkoloneli Elshani.
