Mijëra rrënjë kanabisi janë zbuluar dhe asgjësuar me djegie nga Policia e Lezhës, pas kontrollit në disa fshatra. Në kuadër të operacionit policor, janë asgjësuar me djegie 1,779 bimë narkotike cannabis sativa që u gjetën të kultivuara në tre njësi administrative të qarkut.
– 430 bimë u gjetën në pyllin e Kepshit dhe 62 bimë u gjetën në fshatin Mërqi, njësia administrative Kallmet;
– 300 bimë u gjetën në fshatin Blinisht, njësia administrative Blinisht;
– 940 bimë u gjetën në fshatin Malecaj dhe 47 bimë u gjetën në fshatin Kakarriq, njësia administrative Balldre.
droge, policia
Bimët narkotike, pas kryerjes së veprimeve procedurale, u asgjësuan nëpërmjet djegies, ndërsa materialet procedurale i kaluan Prokurorisë, për veprime të mëtejshme.
Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të kësaj veprimtarie kriminale.
