IKMT ka gjobitur me 1 milion lekë bashkinë e Vlorës lidhur me rastin e përfshirjes nga flakët të fushës së mbetjeve ditën e djeshme. Pas ndërhyrjes së kryer edhe nga forcat e ushtrisë dhe atyre të zjarrfikësve edhe gjatë ditës së sotme, situata është drejt përmirësimit.
Pasditen e së enjtes, fusha e mbetjeve u përfshi sërish nga flakët duke prekur një sipërfaqe të konsiderueshme toke.
Forca të shumta të zjarrfikësve dhe katër automjete u vunë në dispozicion për të shuar flakët. Nga informacionet paraprake, dyshohet se zjarri ka qenë i qëllimshëm.
