Ambasadori i Shteteve të Bashkuara të Amerikës në Serbi, Christopher Hill, është shprehur këtë të enjte, në pritjen me rastin e 4 Korrikut, Ditës së Pavarësisë së SHBA-së, se Serbia dhe Amerika janë si dy miq që kanë ndarë rrugët e tyre në të shkuarën, por tani janë sërish bashkë, duke shtuar se “suksesi i Serbisë është në interes të SHBA-së”. Kjo nuk është deklarata e parë përkëdhelëse të ambasadorit Hill ndaj serbëve, në kuadër të misionit që ai ka marrë përsipër për të larguar Berogradin nga Moska.
Lexo më poshtë:
Kris Hill, trajektorja e bombarduesit të Millosheviçit, sot mik i Vuçiçit
Në përvjetorin e së parës luftë humanitare në botë, ambasadori amerikan bëri një piruetë të fuqishme duke hedhur poshtë trashëgiminë e eprores së tij Madlen Ollbrajt dhe "mësuesit” të tij Richard Hollbruk. Ai u kërkoi falje serbëve që patën humbur të afërmit e tyre gjatë bombardimeve. “U shpreh ngushëllimet e mia personale familjeve të atyre që e humbën jetën gjatë luftërave të viteve të nëntëdhjetë, përfshirë ato si rezultat i fushatës ajrore të NATO-s. E di se populli serb nuk do ta harrojë kurrë atë kohë të tmerrshme dhe as që duhet (ta harrojë)”- shkroi në Tëitter ambasadori amerikan në Beograd.
