Ministri Bledi Çuçi u pyet sot nga gazetarët në lidhje me faktin nëse anëtarët e kampit Ashraf dyshohet se ishin pjesë e sulmeve kibernetike në vendin tonë pak kohë më parë.
Gjatë konferencës për shtyp, Çuçi, ndonëse nuk mohoi asgjë, tha se kjo është pjesë e sekretit hetimor.
Ai ka shtuar se anëtarët e kampit dukshëm janë angazhuar në aktivitet politik duke botuar edhe gazeta politike, gjë që bie në kundërshtim me marrëveshjen e qeverinë shqiptare, megjithatë në rast se ata reflektojnë dhe i përmbahen marrëveshjes për të zbatuar ligjet e Shqipërisë, do vijojnë të mbeten në vendin tonë nën të njëjtat kushte.
“Nuk kemi menduar të prishim marrëveshjen. Nëse ata do rrinë edhe i mbeten marrëveshjen janë në mbrojtjen tonë. Ajo që ndodhi sot ka bëjë vetëm me zbatimin e vendimit të gjykatës,. Marrëveshje do vijojë por duhet të ketë reflektim nga ata për zbatimin e ligjit në Shqipëri se me veprimet sot treguan se nuk janë gati të zbatojnë ligjet në Shqipëri. Se çfarë kanë bërë ata është një pyetje që duhet t’ia bëni prokurorisë janë disa çështje që kanë nisur. Është fillimi i një hetimi penal, prokuroria po heton për shkelje të ligjit. Duhet pyetur prokuroria, aq më tepër që është edhe sekreti hetimor.", tha ai.
