Ish-presidenti amerikan Donald Trump është arrestuar në gjykatën federale në Miami sapo ai u paraqit këtë të martë. Ai është paditur me akuza të reja për keqpërdorim të dokumenteve të klasifikuara. Marshallët amerikanë kanë ndaluar ish-presidentin dhe i kanë marrë kopje elektronike të shenjave të gishtave të tij gjatë procedurave.
Ndihmësi dhe i bashkëpandehuri i Trump, Walt Nauta është arrestuar gjithashtu. Akuzat penale për çështjen e dokumenteve të klasifikuara të Departamentit të Drejtësisë po përshkallëzojnë rreziqet ligjore ndaj kandidatit kryesor të republikanëve për zgjedhjet e vitit 2024. Seanca pritet të ketë natyrë procedurale.
Trump do të pranojë fajësinë dhe do të ketë një diskutim për kushtet e lirimit të tij para gjykimit. Trump po përballet me 37 akuza pasi prokurorët pretendojnë se ai ka mbajtur në mënyrë të paligjshme informacione të rëndësisë kombëtare dhe se ka fshehur dokumente në kundërshtim me ligjet.
Ndihmësi i tij i ngushtë, Walt Nauta, u akuzua gjithashtu si i përfshirë në komplot për të penguar hetimin federal. Në rrjetet e tij sociale, Trump postoi përpara se të shkonte në gjykatë se ishte “Një nga ditët më të trishtuara në historinë e vendit tonë. Jemi komb në rrënim!!!”. ©LAPSI.al
