Të ardhurat nga Tatimi mbi Vlerën e Shtuar (TVSH) në buxhetin e shtetit u realizuan në masën 15.8 miliardë lekë, 1.5 miliardë ose 10.8 % më shumë se 4- mujori I 2022, si dhe 19 milionë ose 0.1% më shumë se plani i TVSH për t’u arkëtuar në 4- mujorin I 2023.
Referuar të dhënave të publikuara nga Ministria e Financave dhe Ekonomisë, rimbursimet për periudhën 4-mujore janë 5.4 miliardë lekë, 1.6 miliardë lekë ose 40.7% më shumë se 4-mujori 2022, si dhe 133 milionë lekë ose 2.5 % më shumë se plani i rimbursimit të TVSH-së për 4-mujorin I 2023.
Ministrja e Financave dhe Ekonomisë bëri të ditur se këto të ardhura u rritën jo vetëm nga rritja e çmimeve, por edhe nga rritja ekonomike dhe miradministrimi fiskal.
