Policia Rrugore e Tiranës njofton se ka zbuluar dhe ndëshkuar maksimalisht një shofer që lëvizte në sens të kundërt në autostradë.
Pamjet janë publikuar në rrjetet sociale dhe menjëherë shërbimet kanë nisur punën për identifikimin e shoferit.
"Më datë 14.04.2023, nga monitorimi i rrjeteve sociale, është konstatuar një drejtues automjeti që qarkullonte në sens të kundërt me levizjen, në rrugë inteurbane.
Menjëherë, nga shërbimet e Policisë Rrugore u organizua puna për identifikimin e drejtuesit të automjetit, i cili pasi u lokalizua u shoqërua në Komisariatin Rajonal të Policisë Rrugore Tiranë.
Dejtuesi i automjetit u ndëshkua me masë administrative 12 000 lekë të rinj, pezullim të lejes së drejtimit për 16 muaj, si dhe iu zbritën 3 pikë nga pikët e lejes së drejtimit", bën me dije Policia.
