Ish-kryebashkiaku i Bulqizës, Lefter Alla ka shfaqur probleme me shëndetin.
Mësohet se Alla është transferuar në spitalin e burgut.
Ai u prangos për një tender me vlerë mbi 2.8 milion euro, me akuzën e “shkeljes së barazisë së pjesëmarrësve në tendera apo ankande publike” dhe “Shpërdorimi i detyrës”. Ish-kryebashkiaku, i cili u arrestua me urdhër të SPAK, pretendon se akuza e shkeljes së barazisë në tendera e ngritur nga SPAK është e pabazuar dhe në shkelje të ligjit.
Lefter Alla u arrestua bashkë me 12 persona të tjerë përfshirë dhe nënkryetaren e Bashkisë së Bulqizës.
Ndërkohë Apeli i Gjykatës së Posaçme (GJKKO) do të vendosë sot në orën 15:00 për kërkesën e ish-kryebashkiakut të Bulqizës.
Ish-zyrtari i lartë kërkon një masë më të butë sigurie se ajo e “Arrestit në burg”.
