Shqipëria
Territori shqiptar në pjesën e parë të ditës parashikohet të jetë në mbizotërimin e vranësirave kalimtare të cilat më të dukshme do të jenë në zonat veriore, ku dhe do të gjenerojnë reshje. Ndërsa gjatë mesditës dhe pasdites vranësirat do të theksohen në të gjithë territorin e vendit duke krijuar momente me reshje të pakta shiu. Mbrëmja dhe nata do të mbeten nën ndikimin e vransirave të shpeshta dhe reshjeve të pakta dhe të izoluara.
Temperaturat e ajrit do të rriten në mëngjes, pot do të ulen ndjeshëm në mesditë duke u luhatur nga 4°C deri në 19°C. Era do të fryjë mesatare dhe e fortë me shpejtësi 50 km/h nga drejtimi jug-perëndimoreduke sjellë në brigjet detare dallgëzim 3 – 4 ballë.
Kosova
Territori i Kosovës që në orët e parë të mëngjesit do të përfshihet nga vranësirat e shpeshta të cilat do të dominojnë vendin përgjatë të gjithë ditës. Parashikohet që vranësirat herë pas here të pësojnë zhvillime duke krijuar mundësi për reshje të pakta.
Më të dukshme reshjet pritet të jenë në zonat Veriore dhe Lindore të Kosovës, ku në zona të izoluara në këto pjesë të territorit do të ketë edhe moment të shkurtra me flokë dëbore.
Maqedonia e Veriut
Maqedonia e Veriut do të përfshihet nga vranësirat e shpeshta përgjatë gjithë ditës së shtunë. Parashikohet që herë pas here vranësirat të pësojnë zhvillime në pjesën e dytë të
ditës duke gjeneruar reshje të pakta shiu në zonat perëndimore dhe Jugore. Por pritet të ketë edhe intervale të shkurtra me kthjellime, të cilat më të dukshme do të jenë gjatë paradites.
Rajoni dhe Evropa
Pjesërisht Europa Jugore dhe Qëndra e kontinentit do të jenë nën ndikimin e vranësirave të shpeshta të cilat do të gjenerojnë reshje shiu. Ndërsa në Alpet e Europës do të ketë reshje në formë dëbore. POR në dominimin e kthjellimeve dhe kalimeve të pakta të vranësirave do të jetë gadishulli Iberik dhe Brigje e Egjeut.
Po ashtu në mbizotërimin e kushteve të qëndrueshme atmosferike do të jenë Europa Lindore dhe Veriore.
