Një ngjarje e rëndë, e raportuar fillimisht si aksident, është zbardhur në Lezhë. Mësohet se një i ri 23-vjeçar, në bashkëpunim me dy miq të tij, ka kanosur me armë një bashkëmoshata. Mësohet se 23-vjeçari A.F., bashkë me 2 shokë, kanë kërcënuar një person poshtë mbikalimit të Ishull Lezhës. Pas kësaj ngjarje të rëndë, motivet e të cilës nuk dihen ende, të rinjtë janë larguar me nxitim.
Gjatë largimit të shpejtësi, automjeti me të cilin udhëtonin shtetasit A. F., K. Gj. dhe D. D., është përplasur në mbikalimin e Ishull Lezhës, me automjetin me drejtues shtetasin M. K. Nga veprimet e para, ky rast është trajtuar fillimisht si aksident rrugor, por si rezultat i informacioneve të grumbulluara në vendngjarje, janë thelluar hetimet dhe si rezultat i tyre, është zbardhur dinamika e këtij rasti.
