4 shtetasit rumunë kanë mbërritur në Gjykatën e Rrethit Gjyqësor Vlorë, për t’u njohur me masën e sigurisë. Shtetasit rumunë u ndaluan nga blutë e Vlorës tre ditë më parë si rezultat i aksionit policor “Camper”. Blutë arrestuan në flagrancë Marius Cimpeanu, 20 vjeç, Mihaela Cimpeanu, 20 vjeçe, Florin Tucan, 24 vjeç dhe Andreea Pislaru, 21 vjeçe. Po ashtu, policia sekuestroi 260 kg lëndë narkotike, cannabis sativa.
Nga veprimet hetimore dyshohet se këta shtetas, për llogari të disa bashkëpunëtorëve të tyre shqiptarë kamufloheshin si turistë. Ata merrnin me qera campera luksozë dhe kryenin trafikimin e lëndës narkotike nga vendi ynë për në Greqi.
