Janë orë pritje për tetë skuadrat e kualifikuara që mezi presin shortin për çerekfinalet e Champions League. Nesër në orën 12 në Nyon më të përfaqësuar janë italianët me tre skuadra. Inter, Milan e Napoli do të mësojnë fatin e tyre. Real Madrid, Manchester City, Bayern Munich, Chelsea dhe Benfica janë gjithashtu në short. Dy të fundit, në letër, duket se janë më të përballueshmet, por në këtë pikë të konkurrencës asgjë nuk merret si e mirëqenë. Nuk do të ketë kufizime kështu që ekziston edhe rreziku i një euroderby. Në këtë rast, sidoqoftë, një ekip italian që do të ishte në 4 më të mirat e Europës.
Real Madrid, Manchester City dhe Bayern Munich janë padyshim skuadrat më të frikshme e ato për t'u shmangur. Shorti live për çerekfinalet dhe gjysmëfinalet e Ligës së Kampionëve 2022-23, do të mbahet të premten më 17 mars. Në shtëpinë e futbollit Europian në Nyon të Zvicrës askush nuk do të donte një përballje me favoritët e mëdhenj. Edhe Bayern, Real e City sigurisht do të donin të evitonin përplasjet mes tyre.
Lexo më tej: Futbolli italian me 3 skuadra në çerekfinale, më i pëfaqësuari në Champions: nuk ndodhte prej 17 vitesh
DETAJET E SHORTIT
Në short do të marrin pjesë tetë fituesit e fazës së 1/8 të Ligës së Kampionëve: Napoli, Inter Milan, Real Madrid, Manchester City, Chelsea, Bayern Munich dhe Benfica. Shorti do të përcaktojë përplasjet për çerekfinalet dhe gjysmëfinalet. Përveç kësaj, do të hidhet shorti për të përcaktuar skuadrën “vendase” pro-forma në finale. Në short nuk ka kokë serie dhe sfidat mes skuadrave nga i njëjti komb janë të lejuara. Çerekfinalet do të luhen më 11/12 prill dhe 18/19 prill, ndërsa gjysmëfinalet e planifikuara për 9/10 maj dhe 16/17 maj. Finalja do të luhet në Stadiumin Olimpik Atatürk në Stamboll të shtunën më 10 qershor 2023.
