Lefter Alla, kryetar i Bashkisë ës Bulqizës është vënë në prangat e policisë pasditen e sotme. “Panorama” raporton se ai është vënë në pranga me urdhër të SPAK për shkak se ndaj tij rëndojnë dy akuza. Ai akuzohet për korrupsion dhe abuzim me tenderat publikë. Alla është paraqitur më herët në Prokurorinë e Posaçme kundër Korrupsionit dhe Krimit të Organizuar për të dhënë sqarime për këto tendëra.
Alla ka patur dy denoncime në SPAK i akuzuar për abuzime me paranë publike. Njëri nga denoncimet mendohet të jetë ai i projektit për rehabilitimin e ujërave të ndotura në lagjen e vjetër të qytetit të minatorëve.
Rreth tre vite më parë Kryebashkiakut të Bulqizës i dalë nga zgjedhjet e vitit 2019 iu publikua një video, ku dyshohej se po përdorte lëndë narkotike e dyshuar kokainë. Kjo video mësohet se ështe hetuar nga SPAK . Hetimet u drejtuan nga prokurori i SPAK, Ened Nakuçi, i cili pas disa muaj verifikimesh ka vendosur t’i pushojë ato me argumentin se nuk janë gjetur dhe vërtetuar elemente te veprës penale ndaj kryebashkiakut. /LAPSI.al
