Kur lexon ose dëgjon emrin Ronaldinho, të vjen menjëherë në mendje kujtimi i një spektakli futbolli, magjie dhe akrobacie, talenti dhe gëzimi. Megjithatë, ka nga ata që thërrasin menjëherë samba, festa dhe marrëzi, duke qenë se ish-futbollisti brazilian ka qenë gjithmonë një adhurues i natës. Ky është rasti i kilianit Patricio Rubio, shoku i Dinhos gjatë përvojës së tij te Querétaro në 2015, në Meksikë.
Sulmuesi 33-vjeçar, aktualisht te Ñublense, klubi i kampionatit elitar në Kili foli në podcastin 'Pelotazo Al Vacío'. Rubio kujtoi me nostalgji festat e organizuara nga Ronaldinho. “Ishte çmenduri, shtëpia e tij, nuk e dini se çfarë ishte. Mbërrije në shtëpi dhe miqtë luanin kudo, kamerierët që të shërbenin pije... E pabesueshme”, zbuloi Rubio.
Lexo më tej: Jeta e çmendur e Ronaldinhos në Meksikë: “Në Cancún me avion privat, kurrë nuk stërvitej të hënën…”
Kiliani sqaroi sesi fituesi i Topit të Artë të vitit 2005 kujdesej shumë për mbrëmjet e tij: “Gjithmonë si i ftuar, gjithçka falas, tapetet e kuq, rojet, siguria kudo, gratë… Por unë sillesha në mënyrën më të mirë. Ishte koha më e keqe për të qenë i fejuar”. “Është një jetë ndryshe. Ata e jetojnë ndryshe, e shijojnë ndryshe. Dhe pastaj po flasim për Ronaldinho... Çfarë mund t'i thuash?”, përfundoi ai.
