Një shpërthim me tritol është regjistruar gjatë natës në Lezhë. Sipas burimeve zyrtare, sasia e tritolit ka shpërthyer në banesën e Preng Pjetrit, kreu të PD-së në Ungrej, dega Lezhë. Nga shpërthimi me tritol ka vetëm dëme materiale. Ende nuk dihet se kush janë autorët. Policia ka nisur punën për zbardhjen e ngjarjes dhe motiveve te saj.
Njoftimi i Policisë:
Lezhë / Informacion paraprak
Rreth orës 02:00, në fshatin Ungrej, në verandën e banesës së shtetasit P. P. 57 vjeç, ka shpërthyer lëndë plasëse, duke shkaktuar vetëm dëme materiale.
Shërbimet e Policisë po ushtrojnë kontrolle në terren dhe në ambiente të dyshuara, për gjetjen dhe arrestimin e autorit/ve.
Grupi hetimor nën drejtimin e Prokurorisë vazhdon veprimet hetimore për zbardhjen e rrethanave të ngjarjes, identifikimin dhe kapjen e autorit/re.
