Gjykata publikoi arsyet e dënimit me gjashtë vjet burg për dhunë seksuale në grup e Manolo Portanova thyen heshtjen. Mesazhi i futbollistit është publikuar në kanalet e tij sociale: “Kam kapërcyer shumë vështirësi në jetën time. Por nuk e kam imagjinuar kurrë që të përballem me një periudhë si kjo. Dëgjoj dhe lexoj një histori që nuk e njoh. As nuk i afrohet realitetit dhe cdo ditë pyes veten pse më ndodhi mua. Së shpejti do të ketë një mënyrë për të treguar versionin tim, duke dokumentuar me PROVA dhe jo me hipoteza - shkruan futbollisti i Genoa -. Për familjen time, për klubin tim, për jetën time besoja se të heshtja dhe t'i besoja drejtësisë ishte gjëja e duhur. Por tani për fat të keq kam kuptuar që heshtja paraqiti një faturë shumë të lartë, që nuk jam i gatshëm ta paguaj. Shihemi së shpejti, ju përqafoj".
Manolo Portanova u dënua më 6 dhjetor me 6 vjet burg nga gjykata e Sienës. Akuzat janë për dhunë seksuale në grup, në lidhje me abuzimin e vuajtur nga një vajzë. Ngjarja ka ndodhur në një apartament në qendrën historike natën mes 30 dhe 31 majit 2021. U dënuan me të njëjtën masë edhe xhaxhai i futbollistit të Genoa. Të dy kishin zgjedhur procedurën e shkurtuar. Gjykatësi gjithashtu e gjobiti Portanova me një pagesë të përkohshme prej 100,000 euro në favor të vajzës që ai abuzoi. 20,000 euro të tjera duhen paguar në favor të nënës së vajzës. Si dhe 10,000 euro të tjera në favor të shoqatës sieneze "Donna Chiama Donna" të konsideruar pjesë civile.
ARSYET E VENDIMIT
Dje u bënë të ditura arsyet e dënimit në shkallë të parë. Sipas gjykatëses së Sienës, Ilaria Cornetti, vajza e dhunuar "shfaqi vullnetin e saj për të kryer marrëdhënie seksuale vetëm me Manolo. Ajo nuk ka dashur një mardhënie në grup me katër djemtë". Një vullnet i shprehur "në mënyrë të përsëritur dhe pa mëdyshje". Sipas Cornetti, “mos aprovimi i saj ishte i dukshëm, menjëherë dhe gjatë gjithë kohëzgjatjes së marrëdhënies seksuale në grup”.
