Në një prononcim për gazetarët jashtë dyerve të Kuvendit, kryetari i Partisë Demokratike Sali Berisha, u pyet nga gazetarët nëse do ta njohë vendimin e gjykatës për vulën e PD-së. Ai ndërkohë zgjodhi të flasë për protestën. Berisha tha se protesta nuk ka lidhje me gjykatën. Demokrati shtoi se nuk mund të të paragjykojë një vendim i cili nuk ekziston në asnjë bazë ligjore.
“Vendimi që do të marrë gjykata nesër se kujt i takon vula e Partisë Demokratike nuk ka lidhje me protestën që pritet të mbahet më 3 mars. Nuk ka asnjë lidhje. Unë nuk mund të paragjykoj një vendim i cili nuk ekziston as edhe një bazë e vetme ligjore për të shpallur palë atë që nuk është palë,” – u shpreh Berisha.
